Ленскэй оройуонун Бэчинчэ нэһилиэгэр төрөөбүтэ. 1970 с. Бүлүүтээҕи педагогическай училищеҕа алын кылаас учууталын идэтигэр үөрэнэ киирбитэ. 1973 с. Ньурба оройуонугар музыка, үлэ учууталынан үлэлээбитэ. 2001 с. «Ньурбатааҕы оҕо дьоҕурун сайыннарар научнай-техническай киин» эбии үөрэхтээһинин учуутала. Тылбаасчыт, фольклорист, фотограф, бэйиэт, хомус ууһа.
Педагогическай үлэ бэтэрээнэ, РФ уопсай үөрэхтээһинин бочуоттаах үлэһитэ, СӨ үөрэҕириитин туйгуна, «Саха-Азия оҕолоро» аан дойдутааҕы фонда стипендиата, «Сыл учуутала-94» өрөспүүбүлүкэтээҕи күрэх финалиһа, өрөспүүбүлүкэтээҕи «Көмүс уруок» грант хаһаайына, «Эбии үөрэхтээһин бастын педагога» СӨ Бэрэсидьиэнин гранын хаһаайына. Оройуоннааҕы «Норуот педагогикатын» ассоциациятын бэрэссэдээтэлинэн үлэлээбитэ.
Россия тылга академиятыттан «А.С. Пушкин-200» мэтээл хаһаайына, Россиятааҕы «Знание» уопсастыба Саха сиринээҕи филиалыттан «Знак признания заслуг» бэлиэлээх, аҕалар өрөспүүбүлүкэтээҕи 1 сийиэстэрин дэлэгээтэ. Өрөспүүбүлүкэтээҕи уонна региональнай педагогическай ааҕыылар, кэмпириэнсийэлэр лауреаттара, Россиятааҕы «Знание», «Литераторы Якутии» ассоциациялар лектордара.
Түөрт оҕо амарах аҕата.